Hasinywe Amasezerano Yemerera Abanyarwanda n’Abanya-Liberia Kugenderana Nta Visa

Uyu muhango wabereye i Monrovia, umurwa mukuru wa Liberia, ku wa 10 Nzeri 2025.

Muraya masezerano U Rwanda rwari ruhagarariwe na Minisitiri w’Ububanyi n’Amahanga n’Ubutwererane, Nduhungirehe Olivier, uri mu ruzinduko rwo gutsura umubano n’icyo gihugu,Liberia yo yari ihagarariwe na Minisitiri w’Ububanyi n’Amahanga, Sara Beysolow Nyanti.

Amasezerano yasinywe afite ibyiciro bibiri:

Gukuriraho Visa ku baturage b’ibihugu byombi.

1. Gushyiraho Komite ihuriweho izakurikirana imishinga y’ubufatanye hagati y’impande zombi.

U Rwanda na Liberia bisanzwe bifitanye umubano mwiza mu nzego zitandukanye:

• Politiki: ubufatanye hagati y’Inteko zishinga Amategeko.

• Uburezi: abanyeshuri bo muri Liberia biga mu mashuri makuru na za Kaminuza mu Rwanda.

• Amateka ahuje ibihugu byombi: Liberia yahuye n’intambara mu myaka ya 1990, naho u Rwanda rwanyuze muri Jenoside yakorewe Abatutsi mu 1994.

Aya masezerano mashya ateganyijwe kongera imbaraga mu mubano w’ibihugu byombi ndetse akorohereza abaturage mu buhahirane, ubukerarugendo n’ishoramari.