Australia yegukanye umudali wa Zahabu muri Team Time Trial Mixed Relay

Ikipe y’Igihugu ya Australia yegukanye umudali wya Zahabu mu isiganwa rya Shampiyona y’Isi y’Amagare rya “Team Time Trial Mixed Relay”, aho abagabo n’abagore bakinira hamwe nk’ikipe, bose basiganwa n’igihe.

Australia yakoresheje iminota 54,3 ku ntera y’ibilometero 41,8, irusha u Bufaransa amasegonda atanu mu gihe ikipe ya gatatu yabaye u Busuwisi bwarushijwe amasegonda 18.

U Rwanda rwasoreje ku mwanya wa 11 mu makipe 15, mu gihe mu bitanu bya Afurika ari urwa kabiri inyuma ya Ethiopia yabaye iya 10.

Dore uko ibihugu byakurikiranye:

1. Australia
2. U Bufaransa
3. U Busuwisi
4. U Butaliyani
5. U Budage
6. Espagne
7. U Bubiligi
8. Ukraine
9. U Bushinwa
10. Ethiopia
11. U Rwanda
12. Ibirwa bya Maurice
13. UCI World Cycling Centre
14. Uganda
15. Benin