Uwahoze ari Minisitiri w’Intebe w’u Bwongereza, Boris Johnson, yasabye Guverinoma ya Sir Keir Starmer kongera gusubizaho gahunda yo kohereza mu Rwanda abimukira binjira mu Bwongereza mu buryo bunyuranyije n’amategeko.
HAFIYAWE
Amakuru yihuse kandi yizewe
Perezida Kagame:Abavuga ko u Rwanda rutakwakira ibikorwa bikomeye basizwe n’amateka
Kigali, 25 Nzeri 2025 – Perezida Paul Kagame yashimangiye ko abavuga ko igihugu nk’u Rwanda rudashobora kwakira ibikorwa bikomeye ku rwego rw’Isi bafite imyumvire yasizwe n’amateka, asaba guha amahirwe ibihugu byose, harimo n’ibyo muri Afurika.
Yabigarutseho kuri uyu wa Kane, ubwo yitabiraga Inama ya 194 y’Impuzamashyirahamwe y’Umukino w’Amagare ku Isi (UCI) yabereye muri Kigali Convention Centre, mu gihe u Rwanda ruri mu bihe by’amateka yo kwakira Shampiyona y’Isi y’Amagare 2025, iri kuba bwa mbere muri Afurika mu myaka 104.
Ubutumwa ku bashidikanya ku bushobozi bwa Afurika
Perezida Kagame yavuze ko gushyira amarushanwa akomeye muri Afurika cyangwa mu bihugu bidakunze kubyakira bitakwiye guhabwa isura yo gushidikanywaho.
Yagize ati:
“Iyo Afurika cyangwa ikindi gihugu kitamenyerewe gitoranyijwe ngo cyakire igikorwa, bamwe bahita bashidikanya, bakifuza ko cyamburwa ayo mahirwe. Iyo myumvire yasizwe n’amateka, kandi ntikwiye.”
UCI yashimye u Rwanda
Perezida wa UCI, David Lappartient, yashimye Perezida Kagame n’u Rwanda ku ruhare rukomeye mu gutuma iyi nama n’iyi Shampiyona bikorerwa bwa mbere muri Afurika, ahamya ko ibihugu 132 byitabiriye ari ikimenyetso cy’uburyo ibi bikorwa bihinduye amateka.
U Rwanda mu rugendo rwo guteza imbere umukino w’amagare
Perezida Kagame yibukije ko u Rwanda rwashoye imari mu mukino w’amagare, bigatuma Tour du Rwanda iba isiganwa rikomeye muri Afurika, ndetse rutangiza Centre Satellite ya UCI i Kigali mu 2025, ikaba isanzwe itorezamo abakinnyi baturutse mu bihugu bitandukanye bya Afurika.
Yagize ati:
“Tubona siporo nk’umusemburo w’iterambere. Kwakira amarushanwa yo ku rwego rw’Isi bizamura ubukerarugendo, bigafasha abakinnyi, ndetse bikubaka n’Inganda n’akazi ku rwego rw’igihugu.”
Ubutumwa ku bakinnyi n’abafana
Perezida Kagame yashimye abakinnyi n’abafana baturutse hirya no hino ku Isi bitabiriye, avuga ko imisozi y’u Rwanda iriho inzira zikomeye ariko abakinnyi bakomeje kwitwara neza, bikaba ishusho y’urugendo rw’igihugu mu kubaka amateka mashya.
Inteko Ishinga Amategeko y’u Rwanda Yamaganye Umwanzuro wa EU ku Ifungwa rya Ingabire Victoire
Kigali, 15 Nzeri 2025 – Inteko Ishinga Amategeko y’u Rwanda imitwe yombi yamaganye umwanzuro w’Inteko Ishinga Amategeko y’Umuryango w’Ubumwe bw’u Burayi (EU) ivuga ko u Rwanda rukwiriye kurekura Ingabire Victoire Umuhoza, ufunzwe kuva muri Kamena 2025.
Uyu mwanzuro wafashwe ku wa 11 Nzeri 2025 (2025/2861(RSP)), wibanda ku Rwanda, ushinja leta guhohotera abatavuga rumwe na yo no kubafunga binyuranyije n’amategeko. Abadepite b’u Rwanda bavuze ko ari ugusuzugura ubusugire bw’igihugu no kugaragaza imyumvire y’ubukoloni bushya.
Abadepite bamaganye “kwivanga” kwa EU
Depite Mukabunani Christine yavuze ko Abanyarwanda bazi kwivuganira ku bibazo byabo, atari ngombwa ko hari abandi banyamahanga babavugira. Yagize ati:
“Ntabwo ari abavugizi bacu. Abatavuga rumwe n’ubutegetsi mu Rwanda tugize ikibazo ntabwo twavugirwa n’abandi, twabyivugira.”
Depite Pie Nizeyimana wo muri UDPR yagaragaje ko umwanzuro wa EU ari agasuzuguro ku Rwanda n’Afurika yose. Yibukije ko Ingabire Victoire ari Umunyarwanda nk’abandi, bityo agomba kubahiriza amategeko.
Depite Tumukunde Aimée Marie Ange we yavuze ko EU ikomeje kugendera ku myumvire y’ubukoloni bushya, igamije gusenya ibihugu by’Afurika, cyane cyane ibiri mu nzira y’iterambere nka Rwanda.
Depite Venutse Icyitegetse n’abandi badepite bemeje ko ibyo gusaba kurekura Ingabire ari uburyo bwo kwanduza isura y’u Rwanda, ariko nta Munyarwanda ubitewe ubwoba.
EU ishinjwa gusuzugura ubutabera bw’u Rwanda
Abadepite banenze EU ku kuba isaba kurekura Ingabire Victoire nyamara yakatiwe n’inkiko, akanababarirwa mu 2018 mbere yo kongera gukurikiranwaho ibyaha bishya birimo guteza imvururu no gukwirakwiza ibihuha bigamije kwangisha leta mu mahanga.
Depite Jennifer Wibabara yagize ati:
“Ni agasuzuguro ku nzego zacu. U Rwanda si insina ngufi. Ingabire Victoire si hejuru y’amategeko.”
Abadepite bose basanze uwo mwanzuro wa EU ari igikoresho cya politiki kigamije gusebya u Rwanda no kugena uburyo rugomba kwiyobora, ibintu bemeza ko bidashoboka kuko igihugu gifite ubusugire n’ubwigenge.
Hashyizwe umukono ku masezerano y’ubufatanye mu bukungu hagati y’u Rwanda na RDC
Hasinywe Amasezerano Yemerera Abanyarwanda n’Abanya-Liberia Kugenderana Nta Visa
Leta y’u Rwanda na Liberia zasinyanye amasezerano y’ubufatanye arimo kugenderana nta visa, agamije koroshya urujya n’uruza hagati y’abaturage b’ibihugu byombi.
Ibiciro bya Peteroli Byazamutse Gato Nyuma y’Ibitero bya Israel Ariko Oversupply Irabigabanya
Igiciro cy’amavuta cyazamutse nyuma y’ibitero bya Israel—Ariko ubwinshi bw’ikiguruka burababuza gukomeza kuzamuka
Ku wa Kabiri, ibiciro bya peteroli byazamutse gahoro nyuma y’ibitero bya Israel ku bayobozi ba Hamas muri Qatar n’uko Pologne yashe drones za Russia—ibi byose byateje impungenge mu isoko. Ariko impungenge yuko hari ubwinshi bw’amavuta (oversupply) zabujije ko ibiciro bikomeza kuzamuka cyane.
Brent crude yazamutseho 66 cents bingana na (1 %), igera ku $67.05 ku kavuta, naho U.S. West Texas Intermediate (WTI) izamuka 68 cents (1.1 %), bigera kuri $63.31.
Abasesenguzi bavuga ko n’aho hari impinduka zirimo iz’amatora ya Trump cyangwa iz’ubukungu mpuzamahanga,isoko ry’amavuta rifite ubwinshi ryatumye hazamo gukomera kw’ibihe biriho.
Israel yateye Hamas bikomeye mu murwa mukuru wa Qatar
Ku itariki ya 9 Nzeri 2025, Leta ya Israel yakoze igitero gikaze mu murwa-makuru wa Qatar (Doha), cyibasiye abakuru ba Hamas bari bari mu biganiro by’ihagarikwa ry’intambara.
Qatar yahise yise iki gikorwa “igitero cy’ubugome” kandi ivuga bitubahiriza amategeko mpuzamahanga”
Ibitangazea n’Abaturage bo muri Doha bavuze ko bumvise ibisasu byinshi, maze hanagaragara umwotsi mwinshi mu gace ka Legtifya / Katara
Ingabo za Israel (IDF na Shin Bet) zatangaje ko bakoze igitero cy’umwihariko bagamije gukuraho abayobozi ba Hamas bashinzwe ibikorwa byo kwihimura no kuyobora intambara
Minisitiri w’intebe wa Israel, Benjamin Netanyahu, yatangaje ko “Israel yakoze igitero cyihariye,anavuga ko ari we wasabye iki gitero kandi akanayonora inshingano zose
Khalil al-Hayya, umuhuza mukuru wa Hamas mu biganiro byo guhagarika intambara, kimwe na Khaled Mashal na Mousa Abu bagaragaza ko iki gitero cyari icyo kwihimura.
Ishami rya Hamas riravuga ko abari mu biganiro ntacyo babaye, naho inkuru z’amakuru yo kuba hari abishwe ntaziratangazwa n’itangazamakuru ribifitiye gihamya
Hari kandi amakuru avuga ko al-Hayya yapfuye mu gitero.
Qatar, nk’Umuhuza w’ibiganiro, yihanangirije iki gitero nk’icyaha kirenga ku amasezerano mpuzamahanga.
Umunyamabanga Mukuru António Guterres yise igitero nk’icyaha gikomeye mu masezerano n’icyubahiro cy’igihugu
Ibindi bihugu nka Misiri, Turukiya, Lebanon, Saudi Arabia, Espagne, n’Ubwongereza nabyo byamaganye cyane iki gitero, bikabibona nk’igihungabanya umutekano w’ubumwe bw’Abarabu n’iterambere ry’amahoro
Israel yavuze ko igitero ari igisubizo gikomeye kandi mu mujyi wa Yerusalemu cyahitanye abantu umunani
Leta Zunze Ubumwe za Amerika zatangaje ko zabimenyeshejwe mbere y’igihe.
Iki gitero gishobora guhagarika ibiganiro by’ubwumvikane ku kibazo cya Gaza, kandi gishyira mu kaga, bidatanga amahoro hagati ya Israel na Hamas.
Kugeza ubu, umubare w’abapfuye Bose nturatangazwa by’ukuri, kandi hakiri abantu bataraboneka.
Ibitekerezo byanyu muri comment numusanzu ukomeye
Ubufatanye bwa Perezida Kagame na Rio Tinto mu bucukuzi bw’amabuye y’agaciro
Perezida Paul Kagame yakiriye Ku wa Gatanu, tariki 18 Nyakanga 2025, itsinda rya Rio Tinto riyobowe na Mark Davies ushinzwe tekiniki. Ibi biganiro byibanze ku ubumwe mu gutera imbere mu bucukuzi bw’amabuye y’agaciro mu Rwanda. Village Urugwiro yatangaje ko impande zombi zizeye iterambere ry’uru rugendo.
Imyaka ibiri ishize, Nyakanga 2024, u Rwanda na Rio Tinto Minerals Development Limited batangije umushinga mugari wo gushakisha no gucukura lithium, tin, tungsten na tantalum hifashishijwe ikoranabuhanga rigezweho. Muri Mutarama 2024, basinye amasezerano y’ubufatanye mu bucukuzi bwa lithium mu Ntara y’Iburengerazuba.
Ku wa 10 Nyakanga 2025, ubushakashatsi bwakozwe na Aterian PLC inafashwa na Rio Tinto, bwagaragaje lithium nziza mu Rwanda, ikimenyetso kirushaho gushimangira akamaro k’uyu mushinga.
Rio Tinto, ikigo cy’Abongereza n’Abanya-Australia giherereye ku masoko y’imari ya Londres, Australia na New York, cyashinzwe mu 1873. Gicukura amabuye akomeye nka zahabu, diyama, scandium, aluminium, umunyu na lithium, kikoresheje ikoranabuhanga rihambaye.
Mu 2024, u Rwanda rwohereje hanze toni 2.384 za coltan (zinjije $99 miliyoni), 4.861 toni za gasegereti ($96 miliyoni), 2.741 toni za wolfram ($36 miliyoni), n’ibilo 19.397 bya zahabu ($1.5 miliyari). Uko umusaruro wiyongera kuva $373 miliyoni mu 2017 ukagera kuri $1.7 miliyari mu 2024 birerekana akamaro ka buri mabuye!
Perezida Kagame n’abayobozi ba Rio Tinto baganiriye ku bufatanye mu bucukuzi bw’amabuye y’agaciro
Uko umugambi wa Ingabire Victoire wo gukuraho Perezida wa Repubulika wateguwe
Ingabire Victoire na bamwe mu bayoboke be bo mu ishyaka ritaremerwa mu Rwanda, DALFA-Umurinzi, barashyirwa mu majwi mu rubanza rukomeye rushobora guhindura isura ya politiki nyarwanda. Inkiko ziri gusuzuma ubushinjacyaha bubarega gushaka guhirika ubutegetsi bwashyizweho n’amategeko, bagamije gukuraho Perezida wa Repubulika binyuze mu mugambi bise “Intumbero y’ejo hazaza”.
Uwo mugambi washushanyije neza uburyo bazagenda bahungabanya igihugu binyuze mu nzira enye: gutegura abaturage kwigomeka, gukora imyigaragambyo, kwanga gukurikiza gahunda za Leta, no gushyira ubutegetsi mu bihirahiro bikomeye.
Ibimenyetso byatanzwe n’ubushinjacyaha birimo inama yakozwe tariki 24 Nzeri 2021, aho Ingabire n’abambari be bagarutse ku mahugurwa bahawe n’Umunya-Serbia Srđa Popović — wigeze kugira uruhare mu guhirika ubutegetsi bwa Slobodan Milošević. Ayo mahugurwa yibanze ku nyandiko za Popović zerekana uko politiki ishobora gukoreshwa mu guhindura ubutegetsi, binyuze mu mbaraga za rubanda.
Abagize iyo nama barimo abo muri DALFA, Jambo ASBL, abiyita Abaryankuna n’abandi bo hanze y’u Rwanda, bose bari bifashishije amazina y’amahimbano.
Mu matsinda bari barashinzwe:
-
Itsinda rya mbere, riyobowe na “88”, ryateguraga gukangurira abazunguzayi kwigomeka, bakoresheje indirimbo zivuga ku mibereho yabo n’amarushanwa yo kuririmba.
-
Itsinda rya kabiri, riyobowe na “Michel”, ryatangije “Operation Serwakira”, rigamije gukangurira abaturage kwanga imisoro no kuvuga ko bababajwe n’uburyo Leta ibayobora.
-
Itsinda rya gatatu, ryagize uruhare mu gutegura inyandiko zo gukwirakwiza mu gihugu hose, zishishikariza abaturage kwanga gahunda za Leta.
-
Itsinda rya kane, riyobowe na “Penino”, ryavuze ko rizakoresha imipira irimo amagambo nka “Gakondo yacu”, bagakora ibikorwa by’icengezamatwara bifatika mu baturage batuye ahimurwa, nk’i Kangondo.
Ibyavugiwe mu nama: Uko bashakaga kwigisha abaturage kwigomeka
Sibomana Sylvain, wari uhagarariye DALFA imbere mu gihugu, yavuze ko bagomba gukangurira abamotari n’abazunguzayi, bakoresheje inyigisho zicengera. Yavuze ko abaturage bamaze kurambirwa, ahubwo bashaka “imbarutso” yabatinyura.
Hari n’abandi bavuze ko bagomba kwambara lunette, mask, no kugendana ingofero bigatuma batamenyekana mu gihe bajugunya inyandiko mu mihanda.
Intego yabo: Gukuraho ubutegetsi binyuze mu icengezamatwara
Umwihariko w’uyu mugambi ni uko bawise “Intumbero y’ejo hazaza”, ariko ushingiye ku guhungabanya umutekano w’igihugu. Bari biyemeje ko nta ntwaro zizakoreshwa, ariko bagakoresha imbaraga za politiki zifashisha ibitekerezo byacengejwe mu baturage.
Mu biganiro byabereye kuri internet, byagarutsweho ko bashaka guca intege ubutegetsi, bakabuha igitutu binyuze mu buryo butaziguye n’ubutaziguye, kandi bakabikora mu matsinda y’ubukangurambaga.
Mu gihe uru rubanza rukomeje gukurikiranwa n’ubutabera, bamwe bemeza ko ari urugero rukomeye rwo kurwanya imyitwarire ishobora guhungabanya umutekano w’igihugu. Ariko nanone, bitera ibibazo bijyanye n’uko politiki ishingiye ku baturage ikwiye gukorwa mu buryo bwubahirije amategeko.
Ese ibi ni ibimenyetso bifatika byo guhungabanya igihugu? Cyangwa ni igikorwa cya politiki cyarenze imbibi? Ibyo bizasubizwa n’inkiko.
Trump asabye ko dosiye ya Epstein ifungurwa nyuma yo kuvugwaho ubutumwa bw’amavangingo
Nyuma y’uko inkuru ya Wall Street Journal imushinje kohereza ubutumwa bw’amagambo y’urukozasoni ku isabukuru ya Jeffrey Epstein, Donald Trump yahise asaba ko dosiye ya grand jury yerekeye uru rubanza ifungurwa, kugira ngo ukuri kujye ahabona.
Uyu wahoze ari Perezida wa Leta Zunze Ubumwe za Amerika yanditse kuri Truth Social ko yategetse Pam Bondi, umwavoka we wihariye, ko ajya muri Minisiteri y’Ubutabera agasaba ko izo nyandiko zishyirwa ahagaragara. Yagize ati: “Kubera ubwinshi bw’ibihuha biri gutangwa kuri Epstein, ni ngombwa ko ukuri kujya ahagaragara.”
Ibi bije nyuma y’inkuru yasohowe na Wall Street Journal ivuga ko Trump yaba yaratanze ubutumwa bwanditse burimo igishushanyo cy’umugore wambaye ubusa mu isabukuru ya Epstein ya 2003, ubwo yizihizaga imyaka 50, ubutumwa bwashyizwe mu gitabo cyakusanyijwe na Ghislaine Maxwell.
Amabanga ya Trump na Epstein ashobora gutuma ibintu bisandara
Iryo tangazo ryavugaga ko igishushanyo cyagaragazaga amabere y’umugore n’umukono wa Trump uri munsi y’igitsina cy’icyo gishushanyo. Ryarangiraga riti: “Isabukuru nziza – kandi buri munsi uzabe ibanga rishya ryiza.”
Trump yahakanye ko ari we wabyanditse, avuga ko ari igihimbano, anavuga ko agiye kurega Wall Street Journal, News Corp ndetse na nyiri icyo kinyamakuru, Rupert Murdoch. Yavuze ko yigeze kubwira Murdoch kutemera ko iyo nkuru isohoka, ariko ngo ntiyabasha kubikumira.
Pam Bondi yahise yandika ko agiye gushyira mu bikorwa ibyo yategetswe, nyuma yo kumara iminsi anengwa n’abo mu ruhande rwa Trump bamushinja gutinza ibyo yari yarasezeranyije mu bijyanye no gushyira ahagaragara inyandiko za Epstein.
Wall Street Journal yemeye ko itari ifite gihamya y’ukuntu ubwo butumwa bwanditswe, ariko buvugwa ko bwarimo ikiganiro cyahimbwe hagati ya Trump na Epstein, buvuga amagambo yerekana ko bagiraga amabanga bafatanyije.
Abandi bantu bakomeye bivugwa ko batanzwe ubutumwa bw’ishimwe kuri Epstein barimo Alan Dershowitz n’umukire Les Wexner, bivugwa ko nawe yatanze igishushanyo cy’amabere y’umugore. Wexner yanze kugira icyo abivugaho, naho Dershowitz avuga ko yibuka nabi ibyo yanditse icyo gihe.
Byavuzwe ko iyo album ya 2003 yigeze gusuzumwa n’inzego za leta zashinzwe iperereza kuri Epstein na Maxwell, mbere y’uko bakurikiranwa n’ubutabera.
Trump ubu ari gushaka gukuraho icyo yise “ikinyoma cyahimbwe” ku ruhare rwe kuri Epstein, ariko ibi bibaye nyuma y’uko nawe ubwe mu 2002, yari yaragize ati: “Nzi Jeff kuva kera. Ni umugabo mwiza, kandi nk’ibisanzwe, akunda abagore beza — kandi benshi baracyari bato.”
Senateri JD Vance yahise ashyigikira Trump, avuga ko Wall Street Journal yagombye kugayirwa inkuru itarimo ibimenyetso bifatika. “Ese koko uyu ni Trump?” abaza.
Mu gihe Trump asaba ko ukuri gushyirwa ahagaragara, ikibazo gisigaye ni: ese ukuri ku bijyanye na Epstein n’abo bakoranaga koko kuzagaragara? Cyangwa bizakomeza kuba urujijo rushingiye ku bushobozi n’ububasha bw’abakomeye?
