NATO yatangaje ko ibihugu biyigize byamaze kumva neza ubutumwa bwa Donald Trump ku bijyanye n’ikoreshwa ry’ibirindiro by’ingabo za Amerika biherereye mu bihugu by’u Burayi.
Ibi byagarutsweho n’Umunyamabanga Mukuru wa NATO, Mark Rutte, wavuze ko ibihugu byinshi byatangiye gufata ingamba zijyanye no kongera ubushobozi bwabyo mu bya gisirikare no gufasha mu kubungabunga umutekano.
Trump aherutse kugaragaza ko Amerika ishobora kongera gusuzuma uburyo ikoreshamo ibirindiro by’ingabo zayo mu mahanga, cyane cyane mu bihugu bigize umuryango wa NATO, asaba ko ibihugu bifatanyije mu mutekano byagira uruhare rufatika mu kwishyura no kubungabunga ayo mafaranga.
Ibi byatumye ibihugu byinshi byo muri NATO bitangira gutekereza ku kongera ingengo y’imari mu rwego rwa gisirikare, kugira ngo bikomeze kugira uruhare mu mutekano w’akarere ndetse n’uw’Isi muri rusange.
Abasesenguzi bagaragaza ko amagambo ya Trump afite ingaruka zikomeye ku mikoranire y’ibihugu bya NATO, cyane ko ashobora gutuma haba impinduka mu buryo bwo gukoresha ingabo za Amerika mu Burayi.
Nubwo bimeze bityo, abayobozi ba NATO bagaragaje ko ubufatanye bukomeje gukomera, kandi ko ibihugu bizakomeza gukorera hamwe mu kubungabunga amahoro n’umutekano.
Leave a Reply