Mu ijoro ryo kuwa 22 rishyira 23 Kamena 2025, Leta ya Israel yongeye kugaba ibitero bikaze kuri Iran, byibasiye ibikorwaremezo bya nucleaire birimo Fordow, kimwe mu bigo bikomeye bya Iran bikorwamo ubutunganyirizwa bwa uranium.
Iki gitero cyaje gikurikirana n’ibindi byari byabaye mu cyumweru cyabanje, aho USA n’Israël bifatanyije kugaba Operation “Rising Lion”, irimo gucamo ibikoresho bya gisirikare, ikoranabuhanga rya nucleaire, na command centers za Iran.
Abaturage bo muri Tehran bagaragaje ihungabana rikomeye, benshi bahunga umurwa mukuru, abandi babura uburyo bwo guhamagara no kubona amazi n’ibiribwa. Ibi bitero byanibasiye Evin Prison, gereza ifungiwemo benshi mu banyapolitiki n’abaharanira uburenganzira bwa muntu.
-
Indege za gisirikare za Israel zakoze ibitero ku ntera ndende zihanurwa na missiles za IRGC.
-
Iran yasubije itera drones na missiles byerekejwe muri Tel Aviv, ariko Israel itangaza ko 90% yazo zahagaritswe.
-
Abaturage basaga 100,000 bahunze Tehran, mu gihe amazu menshi y’itumanaho n’amatara yacitse.
-
Ubumwe bw’u Burayi bwamaganye ibi bitero, busaba impande zombi kwicara ku meza y’amahoro.
-
U Bushinwa, U Burusiya n’u Bufaransa byasohoye amatangazo ahamagarira ihagarikwa ry’intambara.
-
UN n’imiryango mpuzamahanga yohereje ubutabazi mu bice byibasiwe n’intambara.
-
Nubwo intambara ibera kure, ikibazo cy’umutekano muke ku rwego mpuzamahanga gishobora gutera impinduka mu bucuruzi bw’ibikomoka kuri peteroli, ndetse n’izamuka ry’ibiciro by’ibicuruzwa biva mu mahanga.
