Ubushakashatsi bukomeje mu Mujyi wa Minnesota nyuma y’igitero cy’amasasu cyagabwe ku badepite babiri bo muri Leta ya Minnesota mu ijoro ryo kuwa Gatandatu, aho Guverineri Tim Walz yabitangaje nk’”ubwicanyi bufite impamvu za politiki.”
Melissa Hortman, wari umuyobozi w’itsinda rya ba Demokarate mu Nteko Ishinga Amategeko ya Leta, hamwe n’umugabo we Mark, bishwe barashwe mu rugo rwabo. John Hoffman, Senateri uhagarariye komisiyo ishinzwe serivisi z’abaturage muri Sena ya Leta hamwe n’umugore we Yvette, bakomeretse bikomeye ariko bakaba barimo kwitabwaho nyuma yo kubagwa.
Ushinjwa ubu bugizi bwa nabi ni Vance Luther Boelter, w’imyaka 57, ucyihishahisha. FBI yatangaje ko itanga igihembo kigera kuri $50,000 ku muntu wese watanga amakuru yafatanya mu ifatwa no gukatirwa kwe. Polisi yavuze ko yitabye kuri raporo ivuga ku maraso mu rugo rwa Hoffman i Champlin saa munani z’ijoro, mbere yo kwerekeza ku rugo rwa Hortman i Brooklyn Park hafi ya saa 3:35am. Abapolisi bahagereye basanga imodoka isa n’iy’abapolisi iparitse, maze habaho kurasana n’uwo mugizi wa nabi waje gucika.
Muri iyo modoka yasizwe mu rugo rwa Hortman, hatoraguwe inyandiko (manifesto) irimo urutonde rw’abantu bagombaga kwicwa, barimo abandi badepite ba Demokarate n’abantu bazwi bashyigikiye uburenganzira bwo gukuramo inda muri Leta ya Minnesota. Ibiro bya Senateri Tina Smith byemeje ko n’izina rye riri kuri urwo rutonde.
Guverineri Walz yavuze ko amashusho y’icyubahiro ku rwego rwa Leta agiye kuzamurwa igice, mu rwego rwo kunamira Melissa Hortman, wasize amateka akomeye kuva yabaye umuyobozi w’Inteko kuva mu 2019 kugeza uyu mwaka ubwo yagizwe umuyobozi w’itsinda rya ba Demokarate. Yagize ati: “Yabaga yabyutse buri gitondo afite intego yo gukora Leta ya Minnesota ahantu heza. Azakumburwa cyane.”
