Uyu NIRERE Saverine niwe usoze irushanwa bwambere mu mateka ya UCI 2025 Ari kubera mu Rwanda
HAFIYAWE
Amakuru yihuse kandi yizewe
Umutaliyani n’umuryango we bavuye muri Zambia bagera i Kigali n’amagare kwihera ijisho Shampiyona y’Isi
Umutaliyani n’umuryango we bavuye muri Zambia bagera i Kigali n’amagare kwihera ijisho Shampiyona y’Isi.
Mu gihe cy’irushanwa nyirizina, Matteo yavuze ko bazashyigikira Ikipe y’Igihugu ya Zambia n’iy’u Butaliyani, ariko nk’umuryango bose bakunda cyane Tadej Pogačar, umukinnyi ukomeye w’Umunya-Slovenia.
Polisi y’u Rwanda Yarashye Abagizi ba Nabi Bageragezaga Gutema Umupolisi mu Ntara y’Amajyepfo
Kamonyi, 16 Nzeri 2025 – Polisi y’u Rwanda yatangaje ko yarashe abagizi ba nabi bari bitwaje imipanga bageragezaga gutema umupolisi wari mu kazi mu Ntara y’Amajyepfo.
Nk’uko byatangajwe na CIP Hassan Kamanzi, Umuvugizi wa Polisi mu Ntara y’Amajyepfo, aba bantu bashatse kwica umupolisi, ariko baraswa na Polisi mu rwego rwo kuburizamo icyo gikorwa cy’ubugizi bwa nabi.
Polisi y’u Rwanda: “Ntituzihanganira abigize indakoreka”
CIP Kamanzi yavuze ko iperereza ryah immediately ritangiye kugira ngo hamenyekane neza abari inyuma y’ibi bikorwa bigayitse. Yongeyeho ko ibyo gukora iterabwoba no guhungabanya ituze ry’abaturage bidashobora kwihanganirwa.
Yagize ati:
“Polisi y’u Rwanda iributsa abishora mu bikorwa bigayitse bihungabanya ituze n’umutekano w’abaturage ko ntawe bizahira. Turakangurira abaturage gukomeza umuco mwiza wo gutanga amakuru ku gihe ku bo bakeka cyangwa aho bakeka hakorerwa ibyaha kugira ngo bikumirwe bitaraba.”
Ubutumwa ku baturage n’abashobora gushorwa mu byaha
Polisi y’u Rwanda yizeje abaturage ko umutekano wabo urinzwe kandi ko nta kintu kizahungabanya ituze ryabo. Yanibukije abatekereza kwishora mu bikorwa nk’ibi ko bazahura n’akaga kuko Polisi izahora maso, ikaburizamo ikintu cyose cyahungabanya igihugu.
Ubukungu bw’u Rwanda Bwazamutseho 7,8% mu Gihembwe cya Kabiri cya 2025
Kigali, 16 Nzeri 2025 – Ikigo cy’Igihugu cy’ibarurishamibare (NISR) cyatangaje ko umusaruro mbumbe w’u Rwanda (GDP) wageze kuri miliyari 5.798 Frw mu gihembwe cya kabiri cya 2025, ugaragaza izamuka rya 7,8%, ugereranyije na 6,5% mu gihembwe cya mbere cy’uyu mwaka.
Imibare ya NISR igaragaza ko:
-
Serivisi zagize uruhare rwa 50% mu musaruro mbumbe,
-
Ubuhinzi bugira uruhare rwa 23%,
-
Inganda zigira uruhare rwa 21%,
-
Ibindi bisigaye bigira uruhare rwa 5%.
By’umwihariko, muri iki gihembwe:
-
Ubuhinzi bwazamutseho 8%,
-
Inganda zazamutseho 7%,
-
Serivisi zizamukaho 9%.
Ikawa yazamuye ubuhinzi, icyayi kiragabanuka
Umuyobozi Mukuru wa NISR, Ivan Murenzi, yavuze ko izamuka ry’ubuhinzi ryaturutse cyane ku bihingwa ngengabukungu byoherezwa hanze, byiyongereye ku rugero rwa 42%.
Yagize ati:
“Ikawa yagize uruhare runini cyane kuko umusaruro wayo wazamutseho 121%, bitewe n’ibiciro byiza ku isoko mpuzamahanga no gusimbuza ibiti bishaje bya kawa.”
Ku rundi ruhande, umusaruro w’icyayi wagabanyutseho 9%.
Umusaruro w’inganda wazamutse cyane bitewe n’izamuka rya:
-
10% mu nganda zitunganya ibiribwa,
-
19% mu nganda zikora ibikoresho by’ibyuma n’imashini,
-
24% mu nganda zikora ibikoresho bitari ibyuma (bya pulasitiki)
-
23% mu nganda zikora sima n’ibindi bikoresho by’ibyuma.
Ariko, umusaruro w’inganda zikora imyenda n’inkweto wagabanutseho 9%, naho uw’izitunganya ibinyobwa n’itabi ugabanukaho 4%.
Mu rwego rwa serivisi, hagaragayemo izamuka rya:
-
13% mu bucuruzi buranguza n’ubudandaza,
-
8% mu serivisi z’imari,
-
11% mu itumanaho n’ikoranabuhanga,
-
16% mu serivisi za leta,
-
10% mu buvuzi.
Ariko, serivisi z’amacumbi na restaurants zagabanutseho 7%, nyuma yo kuzamuka 18% mu 2024.
Minisitiri w’Imari n’Igenamigambi, Yusuf Murangwa, yavuze ko Leta irimo gushaka uburyo bwo kongera umusaruro w’inganda, harimo gukoresha amasaha 24 ku munsi hakoreshejwe amahirwe y’ibiciro by’amashanyarazi biri hasi.
Yagize ati:
“Hari ibindi bikenewe nk’ubwikorezi n’amacumbi kugira ngo inganda zikore amasaha yose, bikabyara umusaruro urenzeho.”
Inteko Ishinga Amategeko y’u Rwanda Yamaganye Umwanzuro wa EU ku Ifungwa rya Ingabire Victoire
Kigali, 15 Nzeri 2025 – Inteko Ishinga Amategeko y’u Rwanda imitwe yombi yamaganye umwanzuro w’Inteko Ishinga Amategeko y’Umuryango w’Ubumwe bw’u Burayi (EU) ivuga ko u Rwanda rukwiriye kurekura Ingabire Victoire Umuhoza, ufunzwe kuva muri Kamena 2025.
Uyu mwanzuro wafashwe ku wa 11 Nzeri 2025 (2025/2861(RSP)), wibanda ku Rwanda, ushinja leta guhohotera abatavuga rumwe na yo no kubafunga binyuranyije n’amategeko. Abadepite b’u Rwanda bavuze ko ari ugusuzugura ubusugire bw’igihugu no kugaragaza imyumvire y’ubukoloni bushya.
Abadepite bamaganye “kwivanga” kwa EU
Depite Mukabunani Christine yavuze ko Abanyarwanda bazi kwivuganira ku bibazo byabo, atari ngombwa ko hari abandi banyamahanga babavugira. Yagize ati:
“Ntabwo ari abavugizi bacu. Abatavuga rumwe n’ubutegetsi mu Rwanda tugize ikibazo ntabwo twavugirwa n’abandi, twabyivugira.”
Depite Pie Nizeyimana wo muri UDPR yagaragaje ko umwanzuro wa EU ari agasuzuguro ku Rwanda n’Afurika yose. Yibukije ko Ingabire Victoire ari Umunyarwanda nk’abandi, bityo agomba kubahiriza amategeko.
Depite Tumukunde Aimée Marie Ange we yavuze ko EU ikomeje kugendera ku myumvire y’ubukoloni bushya, igamije gusenya ibihugu by’Afurika, cyane cyane ibiri mu nzira y’iterambere nka Rwanda.
Depite Venutse Icyitegetse n’abandi badepite bemeje ko ibyo gusaba kurekura Ingabire ari uburyo bwo kwanduza isura y’u Rwanda, ariko nta Munyarwanda ubitewe ubwoba.
EU ishinjwa gusuzugura ubutabera bw’u Rwanda
Abadepite banenze EU ku kuba isaba kurekura Ingabire Victoire nyamara yakatiwe n’inkiko, akanababarirwa mu 2018 mbere yo kongera gukurikiranwaho ibyaha bishya birimo guteza imvururu no gukwirakwiza ibihuha bigamije kwangisha leta mu mahanga.
Depite Jennifer Wibabara yagize ati:
“Ni agasuzuguro ku nzego zacu. U Rwanda si insina ngufi. Ingabire Victoire si hejuru y’amategeko.”
Abadepite bose basanze uwo mwanzuro wa EU ari igikoresho cya politiki kigamije gusebya u Rwanda no kugena uburyo rugomba kwiyobora, ibintu bemeza ko bidashoboka kuko igihugu gifite ubusugire n’ubwigenge.
Rubavu:Umusore w’imyaka 19 yapfuye ahitanywe n’ikirombe cyitaka,undi akomereka bikomeye
Mu murenge wa Rugerero, akagari ka Muhira, umudugudu wa Kasonga (Akarere ka Rubavu) habereye impanuka y’ikirombe mu gitondo cyo ku cyumweru, tariki 14 Mata 2025, ahagana saa moya za mu gitondo.
M23 yungutse abarwanyi bashya barenga 7,000 nyuma y’imyitozo i Rumangabo
Umutwe wa M23 urwanya ubutegetsi bwa Repubulika Iharanira Demokarasi ya Congo (RDC) watangaje ko wungutse abarwanyi bashya 7,437 bamaze amezi atandatu mu myitozo ya gisirikare mu kigo cya Rumangabo, giherereye mu Ntara ya Kivu y’Amajyaruguru.
M23 yungutse abarwanyi bashya barenga 7,000 nyuma y’imyitozo i Rumangabo
Hashyizwe umukono ku masezerano y’ubufatanye mu bukungu hagati y’u Rwanda na RDC
RIB yatangaje ifatwa rya ba bicanyi
Amakuru meza , Urwego rwigihugu rw’ubugenzacyaha RIB rwatangaje ko rwafashe n’abandi babiri bagaragaye batemagura umugore aryamye hasi.
https://youtu.be/Bymhi578deg?si=uchA_nUfVLTRZ8DZ
INGINGO Z’INGENZI Z’IMPAMVU YO GUSABA GUHINDUZA AMAZINA
Turamenyesha ko uwitwa AKANKUNDA Anniter mwene Kabutsimba Lauren na Jane Mbabazi,
utuye mu Mudugudu wa Bwiza, Akagari ka Kanserege, Umurenge wa Kagarama, Akarere ka
Kicukiro, mu Mujyi wa Kigali wanditse asaba uburenganzira bwo guhinduza amazina asanganywe
ariyo AKANKUNDA Anniter, akitwa MWIZA Anitha mu gitabo cy’irangamimerere. Impamvu atanga
yo guhinduza izina ni Izina niswe n’ababyeyi.
