Imiryango yahawe gatanya mu Rwanda mu 2025 yakomeje kwiyongera, aho imibare igaragaza ko imiryango 4,479 ariyo yatandukanye mu buryo bwemewe n’amategeko.
Iyi mibare igaragaza impinduka ziri mu mibereho y’imiryango nyarwanda, mu gihe hagaragara ko n’umubare w’abashyingiranwa wagabanyutse ugereranyije n’imyaka yabanje.
Raporo igaragaza ko mu 2025 abashyingiranwa bagabanyutseho abantu 2600, ibintu byateye impungenge bamwe mu basesenguzi b’imibereho y’abaturage.
Abasesenguzi bavuga ko impamvu zitandukanye zishobora gutuma habaho gatanya nyinshi, zirimo amakimbirane yo mu miryango, ibibazo by’ubukungu ndetse n’impinduka mu mitekerereze y’abashakanye.
Abaturage bamwe bagaragaza ko ubuzima bugenda buhenda bushobora kugira uruhare mu kuzamura amakimbirane mu miryango, bigatuma bamwe bafata icyemezo cyo gutandukana.
Nubwo bimeze bityo, inzego zishinzwe imibereho myiza y’abaturage zikomeza gushishikariza abashakanye gukemura ibibazo binyuze mu biganiro no gushaka ubufasha bw’abajyanama b’umuryango.
Iyi mibare kandi igaragaza ko hakenewe ingamba zirambye zo gufasha imiryango gukomeza kubaka ubuzima bufite ireme, hagamijwe kugabanya gatanya no kongera umubare w’abashyingiranwa.
Leave a Reply